Transcription
1
Monseigneur, arsoir une heure de nuict ariva icy le cappitaine Batiste,
2
revenant de Romans, et print son chemin pour sen aller à Crest avec
3
ses gens, et estant delà la Paleytte, ilz ont atruvé lenemy que
4
les a mis en routte comme mon dict de ses gens mesmes que se sont
5
venus retirer icy, et ne scavent dire sil y a aulcung mort ou blescés.
6
Je y ay faict retourner ung de leurs laquès sur le lieu mesme pour voir
7
sil atruvera aulcunes nouvelles que estant de retour ne ferez faulte
8
vous mander se quil men repourtera daulsy bon cuer que je desire hobeyr
9
à vous volantés, priant Dieu,
10
monseigneur, vous doyent en sancté et hehreusse vye longue. De Chebeul,
11
ce XVIIe mars 1574
12
Voustre humble et houbeyssant
13
servyteur
14
Boyer
15